汀汀烤活魚 (已結業)

今日去到荃灣做嘢大約等到朋友過嚟都差不多十點鐘，都唔知食啲咩好，最後我哋就選擇咗去之前食過唔錯既汀汀烤魚餐廳吃晚餐。去到都已經十點鐘，餐廳還有不少人喺度進食中，過了一陣先轉去細桌坐，因為我哋成日食烤魚嘅關係，今次就要咗一個花甲雞煲半隻，200蚊都不用都幾抵。煲來到時看到入面有花甲，仲有雞啦 同配菜。雞肉都好嫩滑，而且味道唔太鹹，啱啱好。花甲因為炒到中間之後先至落，所以都十分之鮮甜，好新鮮，之後我哋就嗌咗可樂同烏龍茶一人一枝。食得雞煲 當然就唔會錯過打邊爐嘅料啦 ，今次我哋就嗌咗一個雪花肥牛粒，沒想到這個十分之驚喜， 味道濃郁之餘，牛肉又唔會太硬身，仲有少少油脂喺牛肉嘅上面，細問之下，原來這個牛肉係安格斯牛肉， 所以味道十分之好味。 之後就有我最愛的蔬菜萵筍，切得比較薄身，所以好快熟而且更加入味。雜菌拼盤，有唔同嘅菇喺入面，啱曬我哋兩個人每人食少少 ，再叫了個蔬菜拼盤，入面有冬瓜，蘿蔔， 薯仔 ，蓮藕，這些都是我最喜愛的食物，一邊都差不多每款都有六片，每人三片都夠食。 這裏的稻庭烏冬也不錯，煮完之後保持到口感。飽飽睇住電視吃晚餐。