醬缸韓國料理

營業中

休息中

聽同事講呢間食醬油蟹好正同好多人排隊，即刻打電話去book位去試下啦。我地book 咗6點鐘，唔係好多人係出面等，可能時間仲係好早。一入到去就有位坐啦。即刻叫咗佢地呢到出名既 生醬海蟹 同海鮮餅生醬海蟹蟹肉好鮮甜，好多蟹膏，好新鮮! 味道岩岩好，唔會太過咸，亦無蓋過佢蟹肉既鮮味! 佢跟咗一份紫菜白飯，仲有其他配料，包括；蒜頭、洋蔥、紅椒、青椒。將飯加係蟹蓋到撈埋黎食，簡直一流! 每啖都食到蟹膏!海鮮餅煎得好香口，又好多餸加係入面！ 而且好大塊。我地2個人叫咗2款野食已經飽咗。服務態度； 有個女職員態度好差！我地未夠鐘就即刻收走晒我地未食完既野！問都無問過我地仲要唔要就收走咗，我地真係呆咗。