海膽仔

營業中

休息中

今日剛好去開新蒲崗做野路經海膽仔，見入面食客眾多，相信味道都唔錯，所以就入去一戰喇😝😝我地點左倍化帶子吞海膽、炸吉列蠔、刺身定食同埋海膽丼。首先係倍化帶子吞海膽，將大大嘅帶子係中間𠝹開，再鋪滿海膽，一口咬落去感受到帶子鮮甜，配合海膽嘅鮮味，估唔到兩樣野咁夾！另外，就係炸吉列蠔喇～即叫即炸，上到枱十分香脆，外脆內軟👍🏻👍🏻正！之後就係刺身定食喇，刺身配搭種類多，有三文魚、吞拿魚、帶子、希靈魚、鯛魚、赤蝦同埋北寄貝，十分豐富～配上丼飯、沙律同埋味噌湯，cp值好高！最後係海膽丼，以新鮮嘅海膽為主角，配合三文魚籽讓味道更加豐富。每一啖都感受到海膽鮮美嘅味道，入口即溶嘅口味感令人回味無窮！