影片
更多
2019-06-14
49 瀏覽
好耐都冇食過蒸海鮮粥底火鍋，呢間咁啱之前有朋友食完介紹我黎，仲話佢係主打用健康新鮮食材配蒸海鮮。雖然地方就偏遠少少不過為咗食好嘢就冇法子啦。佢地點係響火炭既工業區內，響火車站行過去10分鐘左右。一入到去，地方雖然唔係好大，但係座位都好闊落坐上去都好舒服，同埋個環境用嚟打卡一流呀！職員一開始已經好細心咁解釋每個set既食材，由於朋友上次係食B餐，所以我今次都跟朋友嗌😁一開始前有個冷盤小食係皮蛋嚟嘅，個汁酸酸甜甜好醒胃..呢個係粥底，裏面有日本十六穀，魚肚，栗米同黑豚。職員幫我地加少少水之後就開始蒸海鮮喇.有機花生芽老虎班件..花生芽都係第一次聽，職員介紹原來佢係超高營養嘅一種蔬菜黎，食落去有小小似芽菜，但好爽口，個前端好重花生味，配埋個班件..又唔會搶左佢味，成個配搭好match.蒜芯瑤柱北海道扇貝..呢個扇貝最正係佢啲汁，淡淡精華，食得出好新鮮。呢個叫做紐西蘭托托貝，比起一般大蜆更甜..又係成個殻都好多精華..當然唔會放過😁海膽配蟹肉粉卷..味道特別！幾有驚喜手工花生豆腐，一上台已經覺得佢勁靚喇..個豆腐蒸到恰到好處，滑身..好似食緊豆腐花咁.花生味不算太重.黎到最後一道菜啦佢期待左好
雖然地方就偏遠少少不過為咗食好嘢就冇法子啦。
佢地點係響火炭既工業區內，響火車站行過去10分鐘左右。
一入到去，地方雖然唔係好大，但係座位都好闊落坐上去都好舒服，同埋個環境用嚟打卡一流呀！
職員一開始已經好細心咁解釋每個set既食材，由於朋友上次係食B餐，所以我今次都跟朋友嗌😁
一開始前有個冷盤小食係皮蛋嚟嘅，個汁酸酸甜甜好醒胃..
呢個係粥底，裏面有日本十六穀，魚肚，栗米同黑豚。
職員幫我地加少少水之後就開始蒸海鮮喇.
有機花生芽老虎班件..花生芽都係第一次聽，職員介紹原來佢係超高營養嘅一種蔬菜黎，食落去有小小似芽菜，但好爽口，個前端好重花生味，配埋個班件..又唔會搶左佢味，成個配搭好match.
蒜芯瑤柱北海道扇貝..
呢個扇貝最正係佢啲汁，淡淡精華，食得出好新鮮。
呢個叫做紐西蘭托托貝，比起一般大蜆更甜..又係成個殻都好多精華..當然唔會放過😁
海膽配蟹肉粉卷..味道特別！幾有驚喜
手工花生豆腐，一上台已經覺得佢勁靚喇..
個豆腐蒸到恰到好處，滑身..好似食緊豆腐花咁.花生味不算太重.
黎到最後一道菜啦佢期待左好耐嘅龍蝦
最後一道菜係花龍蝦，每人半隻但個size都算大隻，仲有膏! 正阿！
最最最後重頭戲，食粥喇..
呢個粥底我第一次試，因為出邊都係白粥居多，呢個粥底簡直一試愛上，佢吸收哂所有海鮮精華，同埋佢本身粥底個魚肚勁槳嘴，好重膠質..個豚肉滾左咁耐竟然仲好林...
食完呢個粥真係已經超級飽喇..
本身我地仲想試埋佢個心太軟..下次再大班人D一定會再黎食呀！
張貼
