有蒸氣 海鮮石鍋專門店 (已結業)

今日接男朋友放工，見佢辛苦左成日，緊係要帶佢食餐好架啦，所以去左食蒸海鮮。我地叫左有蒸氣石鍋海鮮餐，有好多吾同款既海鮮。前菜有醃青瓜同花生，正呀！首先，有黑松露蒸蛋，啲蛋蒸得好滑，配埋黑松露，香味出哂嚟，好好食！之後，有蒸蜆同鮑魚，好鮮甜，鮑魚大大隻，肉質好厚，配埋蟲草花係上面，好滋陰。扇貝又大大隻，好香蒜味，好甜。啲蝦好彈牙，好爽口！清蒸美國桶蠔，我都未試過蒸蠔食，原來可以咁鮮甜，肉質又可口。呢2粒係手打墨魚丸同豬肉丸，特別彈牙，爽口，同出面食到既好吾同。蒸鮮魷，好彈牙，配埋自己撈既醬汁就岩岩好，好好食。蒸絲瓜，好鮮甜。最後，蒸完海鮮既精華會落哂去煮呢一鍋粥，係乾瑤柱做配料，特別清甜。重有木瓜雪耳糖水食，好滋潤。