鮮蒲 (已結業)

住附近嘅朋友已經極力推介左好多次，今日約佢食飯，終於可以食到啦。佢真係隱世美食。係紅磡站開始行都行幾耐下先到，不過為左食好嘢！有咩所謂。佢就係座落係街嘅一邊，唔認真搵下或者唔熟地頭真係搵佢唔到，好在有朋友帶路。地方細細，不過好舒服。好彩早小小黎食，因為七點半已經坐滿客人，其間仲不停有人等位同買外賣！價錢都不錯哦，除左有招牌，仲有唔同嘅麵食配撘！好好飲呀依個真係！叫左雞翼，個碗都係細細的。但都有四隻大大隻嘅雞翼，辣味好足，同好香，正！唔食得辣嘅人要注意下。叫左豬肚同牛栢葉，36雙拼，好大份。好新鮮嘅感覺，個人最like 牛栢葉，爽，辣，正！豬肚咬口勁啲，朋友好like。招牌津市牛肉粉，叫左河源粉！果係仫招牌足料都唔止，而且湯底好飲，好香牛肉味。仲要真係好多牛囉！同高質蟹柳！河源粉好特別，好好食！！仲點小得貝榖粉絲呀！依個真係好好好好好好食！個湯好有鮮味，差小小飲曬，有十粒嘅蛤仔，有唔同嘅菇，好正！啲粉絲吸曬啲汁，好好好好好正，在場枱枱有一碗咁濟。打打下都吞曬口水啦我！食咁多嘢，埋單先二百一！炸炸！真高質，值得一食，希望小店可以一直保持水準！正！