葵勝記

營業中

休息中

葵勝記喺元朗開業多年，多年來依然保留水準，午市去總係門庭若市。店舖樓底好高，採光度足，坐得舒適，中國風嘅裝潢也甚有特色。崩沙腩撈粗蛋麵($51)崩沙腩肥瘦比例剛好，入口鬆化，帶有少許筯位，食落又有少少咬口，正！撈粗蛋麵則因為加佐蠔油，味道偏鹹佐少少。鮮蝦雲吞麵($29)呢度雖然牛最出名，但鮮蝦雲吞都好有水準！雲吞每隻都皮薄餡靚，蝦肉爽口彈牙，有驚喜！五香牛雜($120)牛雜份量十足，有牛肺、牛腸、牛肚、牛膀 、牛筯等，每款都滷得入味又唔會過鹹！