味自慢 (已結業)

呢幾日返工超忙, 今日難得可以準時食Lunch, 我地一行5人搭車去鯉景灣味自慢試下同事介紹嘅日替定食。😋餐廳裝修簡約, 放左好多日本酒做裝飾, 牆上亦有到過店嘅名人簽名。Lunch Set選擇非常多, 不過我地5個都係點左G餐。😁前菜非常豐富, 除左味噌湯外, 仲有三文魚刺身, 蝦肉沙律同清酒煮蜆。蜆肉都幾鮮甜, 其他前菜味道正常。主菜我揀左網燒安格斯牛肉, 肉質夠軟腍, 熟度剛剛好, 中間仲可以見到粉紅色, 配上珍珠米煮嘅白飯, 午餐份量非常合適。同事點嘅什錦天婦羅同吉列黑豚, 佢地都覺得唔錯。最後仲有雪糕食, 有咖啡同綠茶選擇, 味道幾好。呢度午餐質素唔錯, 只係略貴左少少, 每位大概要$200。不過服務相當唔錯, 侍應好熱情, 而且好勤快。👍