年香園

營業中

休息中

上週六(8/Oct)，一行六人往鯉魚門食海鮮，行到球場，見一間不太起眼的「年香園」，剛好托出一盤熱騰騰的「雞仔餅」，嘩！好香……，即刻買10蚊試下，好正！外脆內軟，極之回味個種傳統的味道。據講，主人家一直堅持傳統的人手制造，已有50幾年。原來就係當年被火燒過，後有雜誌電視多次介紹個間「慾火重生雞仔餅」。 除雞仔餅外，少見一間即燒肉乾。起初我以為即燒只係裝模作樣，我話要一磅豬肉乾一磅牛肉乾，佢主人家話要等一等，然後一件一件即燒俾我。主人家好好人，怕我等得耐，不停地請我試食……原來蛋捲都係即做，難得食到又熱又脆的蛋捲，款款都係20蚊一盒……都唔知試食了多少，總之好多好多，離開前幫襯一打雞仔餅、一磅豬肉乾、一磅牛肉乾、兩盒蛋捲、半磅核桃，共140蚊。