影片
更多
2018-12-01
592 瀏覽
幾年前其實黎過同朋友一人一籠八色小籠包，今次只係志在帶屋企人黎見識下，感覺銅鑼灣比旺角分店更加有氣派，好岩同媽媽食氹佢開心。醋醬海蜇頭 ($68)海蜇頭大塊厚肉唔會切得太碎，黑醋味道溫和唔嗆喉，底下仲有青瓜片，十分開胃。上海風味醬鴨 ($48)作為前菜都冇咩期望，點知意外地高質！ 醬鴨超入味，鴨皮煙煙韌韌，肉質有彈性又有煙燻味，連骨都入埋味想吞埋，忍唔住叫多左碟。特色皇朝小籠包 (八色) ($108)七彩繽紛既小籠包十分吸睛，包括原味、川味、蒜香、芝士、人參、蟹粉、鵝肝同黑松露味。 首先要讚熱度好夠，真係新鮮整起就拎出黎，馬上夾起小籠包，輕輕咬開就吸到大量清甜鮮美既滾燙湯汁。 肉餡口感都幾順滑有肉鮮味，小籠包皮厚薄適中，略嫌彈性不足，好幾次夾起既一瞬間就穿左，只能望湯汁輕嘆。當年嚐鮮後覺得新鮮感大於味道，原味反而最岩口味，今次亦冇改變印象。 蒜香同蟹粉味小籠包只帶輕微香味，整體同原味分別唔大，有種到喉唔到肺既感覺，如果大幅度加重調味，令口味更突出就更好。原味小籠包 ($62) 6粒完全滿足到我想食正宗小籠包既心癮，皮薄餡靚，飲完湯汁後點埋黑醋，一次過食哂成籠都唔會膩。蒜蓉炒菠菜 ($6
醋醬海蜇頭
$68
55 瀏覽
0 讚好
0 留言
海蜇頭大塊厚肉唔會切得太碎，黑醋味道溫和唔嗆喉，底下仲有青瓜片，十分開胃。
上海風味醬鴨
$48
81 瀏覽
0 讚好
0 留言
作為前菜都冇咩期望，點知意外地高質！ 醬鴨超入味，鴨皮煙煙韌韌，肉質有彈性又有煙燻味，連骨都入埋味想吞埋，忍唔住叫多左碟。
特色皇朝小籠包
$108
35 瀏覽
0 讚好
0 留言
七彩繽紛既小籠包十分吸睛，包括原味、川味、蒜香、芝士、人參、蟹粉、鵝肝同黑松露味。 首先要讚熱度好夠，真係新鮮整起就拎出黎，馬上夾起小籠包，輕輕咬開就吸到大量清甜鮮美既滾燙湯汁。 肉餡口感都幾順滑有肉鮮味，小籠包皮厚薄適中，略嫌彈性不足，好幾次夾起既一瞬間就穿左，只能望湯汁輕嘆。
當年嚐鮮後覺得新鮮感大於味道，原味反而最岩口味，今次亦冇改變印象。 蒜香同蟹粉味小籠包只帶輕微香味，整體同原味分別唔大，有種到喉唔到肺既感覺，如果大幅度加重調味，令口味更突出就更好。
原味小籠包
$62
50 瀏覽
0 讚好
0 留言
完全滿足到我想食正宗小籠包既心癮，皮薄餡靚，飲完湯汁後點埋黑醋，一次過食哂成籠都唔會膩。
蒜蓉炒菠菜
$65
35 瀏覽
0 讚好
0 留言
菠菜好新鮮幼嫩，雖然做法簡單，但係屋企做唔到既美味。
李白醉雞
$78
52 瀏覽
0 讚好
0 留言
雞肉偏鞋亦唔太入味，有點失望。
走油淮揚小元蹄
$98
36 瀏覽
0 讚好
0 留言
元蹄好少地方食到，主要想食軟腍富膠質既豬皮，呢部分都對辦，可惜未炆至骨肉分離既程度，雖然一梳梳肉又入味，但未達至入口即融。
上海油炆筍
$62
67 瀏覽
0 讚好
0 留言
完全冇筍既怪味，清爽脆口，調味咸淡適中，份量幾夠。
蟹粉豆腐
$128
34 瀏覽
1 讚好
0 留言
可能蟹粉唔算當造，顏色已經有少少暗沉，食落更加冇想像中個種鮮甜甘香，只帶微微香氣。 如果改為期間限定，確保蟹粉質素會好d，而家唔太值。
揚州糟溜滑魚片
$98
47 瀏覽
0 讚好
0 留言
魚片好滑溜大大塊，仲有木耳等配菜，可惜整體偏淡，魚味唔太濃，未留下深刻印象。
除左環境夠體面，我幾欣賞人手好足，一個細細既區域都有幾個店員負責，唔怕搵唔到人幫手。 用膳途中店員亦有主動黎換碟，以此價位黎講算係意料之外。
門口既開放式廚房可以睇住師傅即時製作小籠包，感覺特別新鮮有風味。 今次冇點叫到主食，為小籠包而來既話，叫多幾款前菜冷盤已經好滿足喇。
張貼
