純發食堂

營業中

休息中

日日晏晝諗食乜嘢真係諗到頭都爆，咁啱今日要嚟鰂魚涌攞啲嘢，路經芬尼街，見到有間「純發食堂」，招牌好搶眼。餐廳主打外賣便當，有滷肉系列、打拋肉碎系列、咖哩系列、稻庭烏冬等，另外亦有幾款小食可供選擇。點左👇🏻豬頸肉辣肉碎便當 ($68)，豬頸肉煮得啱啱好，食落唔會過乾，肉碎粒粒分明。戳穿燶邊煎蛋，將流心蛋黃撈埋香辣嘅肉碎連飯一齊食，好滋味！濃湯蒜香雞扒稻庭烏冬 ($58) 店員好細心，將湯同雞扒烏冬分開，以不同器皿盛載，以免麵條被浸腍，煞是體貼。雞扒大大塊，外皮煎至金黃色，食落非常香口，烏冬彈牙煙韌，加上份量十足，食完好飽肚。