凱富菜館 (已結業)

突然好想同朋友一路打冷，一路吹水，就黎左喱度啦！裡面環境都幾光猛，坐位都比較密集，有大枱有卡位，岩晒三五知己或者大家庭！我同朋友只有二人，所以坐卡位，一坐底就有炸魚小食，都幾香口，送飯送粥一流！之後叫左一份鵝肝三寶，豬紅同蠔仔粥！鵝肝三寶味道都唔錯，果度伙計話係每天一早新鮮炮製，鵝肝味道有點酸，同平時西餐果款鵝肝好唔同！我最鍾意反而係底部既豆腐，好滑好香！豬紅都好彈牙，外表結實，咬落去入面就很柔軟！最後就是蠔仔粥，好足料！除左好多蠔仔之外，仲有好多冬菇同炸魚皮碎肉！推介！