源興美食

營業中

休息中

在同事們推介下, 我地一行7人到這間以燒味為主打既食市食午膳, 在海光街附近其實不乏燒味選擇有連鎖既快活同家樂, 亦有街坊燒臘舖, 但這間食市在午膳時間仍然坐無虛席；我地分別叫左叉燒拼豉油王炒麵, 叉燒飯,叉燒油雞飯； 蜜汁叉燒肥瘦適中, 但較為燶左d, 我本人較喜歡甜味較重的叉燒,佢地既叉燒對正我口胃； 佢地既鼓油王炒麵亦出色, 麵身夠乾, 並沒有油淋淋的感覺, 初時以為叉燒拼鼓油王炒麵可能會味太咸, 但又出奇地呢個配搭味道剛剛好； 除左味道好之外, 價錢亦十分適中, 在鰂魚測要找40-50蚊午餐並不難, 但味道要好的卻不易, 我地一行人都覺得源興為抵食之選