Kebab Land (已結業)

海光街一向有好多小餐廳，呢間kebab land係每次經過都唔起眼唔為意既餐廳，係突然有日好想kebab既時候，openrice發現原來返工附近竟然有食kebab既餐廳，放工就即刻走去食。店鋪不大，得兩排高凳，我食既時候得我和男友兩個客人，店員都即刻為我地播翻印度歌。kebab同飯我都有興趣試，所以就叫左一個雞肉kebab和羊肉飯share食。雞肉kebab入面除左雞肉仲有包生菜洋蔥番茄等等，雞肉煮得岩岩好，滑，調味都不錯，再加埋好多唔同既醬，全部野夾埋好好食。跟住到羊肉飯，叫既時候其實有小小怕會有騷味，食完之後覺得一d都唔騷，好好食啊！羊肉飯同kebab一樣都有好多唔同既醬撈埋一齊食，飯隔離有個沙律，我既食法係將隔離d菜撈埋入個飯到食，感覺口感豐富d，仲冇正係食肉咁膩！佢飯既質地唔似中菜既米，係長條型既，特別又好味！兩樣野望落好似細細份咁，但其實我地食曬之後都飽到上心口，大滿足啊！！