影片
更多
2023-05-02
1235 瀏覽
朋友從外地來港玩入住北角海逸酒店，晚上帶他去K11 Atelier地下有間叫Campsite食嘢。搭地鐵去到鰂魚涌站C出口,行經模範邨，步行2分鐘就到。Campsite係咪一間多國菜有酒飲㗎好地方，每日中午5點至晚上8點，都係Happy Hour，買一送一，非常抵飲。店內環境寬敞，裝修特別，為了營造郊野感覺，一幅牆舖滿大小不一木頭，沿住牆邊設有地櫃，櫃面排列不同牌子㗎酒，店內球形吊燈，俾人感覺月亮高掛天空，四週天花沿掛一條條樹葉，酒吧位置更用了綠燈給人感覺置身大自然之中。Campsite Sweet Corn Soup招牌粟米湯 $85粟米大粒又甜，歺包二片夾住凍牛油粒，甜甜麵包加埋鹹鹹牛油，好正👍Daily Soup每日精選湯 $75紫椰菜湯加一片麵包，湯夠濃滑，食得健康又有益。Slow-cooked Chicken Caesar Salad慢煮雞肉凱撒沙拉 $118冇雞皮㗎雞胸肉，大大件，鮮甜有雞汁，唔會乾爭爭又唔韌；沙律菜夠新鮮卜卜脆，沙律汁唔會太多，恰到好處，越食越開胃。Prawns Katsu吉列大蝦 $88大大隻蝦夠新鮮，炸得好香脆，蝦肉好彈牙，加埋新鮮檸檬汁，食得健康又開
搭地鐵去到鰂魚涌站C出口,行經模範邨，步行2分鐘就到。
Campsite係咪一間多國菜有酒飲㗎好地方，每日中午5點至晚上8點，都係Happy Hour，買一送一，非常抵飲。
店內環境寬敞，裝修特別，為了營造郊野感覺，一幅牆舖滿大小不一木頭，沿住牆邊設有地櫃，櫃面排列不同牌子㗎酒，店內球形吊燈，俾人感覺月亮高掛天空，四週天花沿掛一條條樹葉，酒吧位置更用了綠燈給人感覺置身大自然之中。
Campsite Sweet Corn Soup
招牌粟米湯 $85
粟米大粒又甜，歺包二片夾住凍牛油粒，甜甜麵包加埋鹹鹹牛油，好正👍
Daily Soup
每日精選湯 $75
紫椰菜湯加一片麵包，湯夠濃滑，食得健康又有益。
Slow-cooked Chicken Caesar Salad
慢煮雞肉凱撒沙拉 $118
冇雞皮㗎雞胸肉，大大件，鮮甜有雞汁，唔會乾爭爭又唔韌；沙律菜夠新鮮卜卜脆，沙律汁唔會太多，恰到好處，越食越開胃。
Prawns Katsu
吉列大蝦 $88
大大隻蝦夠新鮮，炸得好香脆，蝦肉好彈牙，加埋新鮮檸檬汁，食得健康又開胃。
Chicken Karaage
唐揚炸雞件 $78
雞件炸過但唔會過火，細細件，易入口，伴酒一流！
Grilled Mackerel Avocado Spaghetti
烤鯖魚牛油果香蒜意大利麵 $175
每條意大利麵外層都好均勻附有牛油果蓉，少少香蒜，加埋香口鮮甜鯖魚，食得健康。
Grilled Pineapple & Ice Cream
焦糖燒菠蘿雪糕 $80
兩大片新鮮菠蘿，切好一片片，菠蘿肉多汁又甜，大大雪糕球，好搶眼，一口菠蘿，一口雪糕，真係好滿足，好幸福！
張貼
