秋嵐日本料理

營業中

休息中

上星期相約好友去位於鰂魚涌的秋嵐日本料理吃晚飯，秋嵐日本料理是性價比高的日本料理小店。餐廳裝修是日式居酒屋風，有一種溫馨而且有家的舒適感。極味厚切牛舌$148相當精緻的擺盤，燒得剛剛好地牛舌，搭配三種醬料，岩鹽，燒肉醬油和自家秘製葱汁，加上牛舌咖喱，一共四個食法，滿足曬喜歡不同口味嘅朋友。厚切牛舌咬落去啖啖肉，外焦內嫩，裡面肉質粉嫩、Q彈爽口、肉汁豐富，非常惹味。喜歡甜口可以點燒肉醬油，而佢地秘製葱汁同牛舌亦令人驚喜，王道岩鹽就梗係同樣不能錯過。魚子飯嘅魚子大大粒又新鮮，非常juicy，再配埋日式牛舌咖喱，令人食到停唔到口！銀鱈魚西京燒御膳$168銀鱈魚的魚油味濃，肉質肥美，滑而不膩，鮮甜不腥，配上沙律更能解膩。兩款定食都有味噌湯和甜點，味噌湯幫助消化解膩，而甜品係抹茶蕨餅加紅豆醬，為精緻嘅一餐劃上完美句號。