影片
更多
2023-07-06
189 瀏覽
肚餓肥仔又出動，走黎食個魚生飯。叫個角切魚生丼，跟味噌湯，熱水任飲，加左$2要個紙包綠茶。上餐速度極快，下單後師傅直接係我面前攞碗飯，同準備好既材料出黎，砌完立即放櫃台食得，整個過程可能一分鐘都唔洗。（有戴手套既～應該唔污糟掛）1. 味噌湯，唔算太咸，有海帶同白菜（？），普通地好飲。2. 魚生飯，有幾種海鮮、玉子煎蛋同青瓜切粒，目測認到有三文魚、油甘、八爪魚、蟹柳同一堆飛魚籽。仲有一pat wasabi 同一堆薑。第一次咁食法所以我唔係咁熟，wasabi幾勁下，真係每次少少就好，嗆到我幾次（我又係傻，應該成pat wasabi攞出嚟放味噌湯個碗到先）。言歸正傳，魚生係好食既，中挺。飯量應該係一碗左右，對肥仔我而言有D唔夠候，正常人應該差唔多。唔知係咪錯覺，睇佢砌外賣既時候好似多D？咁一餐$92＋$2，再加一＆四捨五入就$103。咁既價錢食一堆海鮮係OK既～份量可能真係唔岩我哩個大胃肥仔啦😔。
角切魚生丼
$92
10 瀏覽
0 讚好
0 留言
叫個角切魚生丼，跟味噌湯，熱水任飲，加左$2要個紙包綠茶。
上餐速度極快，下單後師傅直接係我面前攞碗飯，同準備好既材料出黎，砌完立即放櫃台食得，整個過程可能一分鐘都唔洗。
（有戴手套既～應該唔污糟掛）
1. 味噌湯，唔算太咸，有海帶同白菜（？），普通地好飲。
2. 魚生飯，有幾種海鮮、玉子煎蛋同青瓜切粒，目測認到有三文魚、油甘、八爪魚、蟹柳同一堆飛魚籽。仲有一pat wasabi 同一堆薑。第一次咁食法所以我唔係咁熟，wasabi幾勁下，真係每次少少就好，嗆到我幾次（我又係傻，應該成pat wasabi攞出嚟放味噌湯個碗到先）。
言歸正傳，魚生係好食既，中挺。飯量應該係一碗左右，對肥仔我而言有D唔夠候，正常人應該差唔多。唔知係咪錯覺，睇佢砌外賣既時候好似多D？
咁一餐$92＋$2，再加一＆四捨五入就$103。咁既價錢食一堆海鮮係OK既～份量可能真係唔岩我哩個大胃肥仔啦😔。
張貼
