小倆口台式漢堡蛋餅專賣店 (已結業)

今日忽然好想食台灣正宗既蛋餅，諗來諗去香港都好似無呢一類既台灣菜舖頭，所以就上咗openrice 打蛋餅，睇下會唔會有意外收獲，結果我搵倒鰂魚涌有一間小店係專做台式蛋餅。搵全就當然係第一時間衝去食。Openrice 上看到，店舖開門時間係9:00. 咁啱當時9:00, 所以就走咗等開門，可是等到9:10 都無人來開門，最後我打咗舖頭既電話，結果老闆聽電話，話佢地應該開咗門，叫我等等，佢轉頭覆電話俾我，原來本來負責開舖既同事去咗買野未返到舖頭，老闆叫我等多 5 分鐘，佢同事就返到。由於我真係好想食蛋餅，所以我就企響到等到店員來開舖。坐下後，我點了肉鬆粟米蛋餅 ＋ 飲品 ($55) - 肉鬆多到爆晒出黎，薄薄嘅蛋皮，配搭得幾好。蔥抓餅($35)+芝士($8)+蛋($8) - 賣相一般，但味道唔錯，有少少芝士漢堡既味道。