幸匠燒 (新城市廣場一期) (已結業)

沙田新開賣貴價日本菜，11：30剛開門，weekend有 lunch set都唔算貴， 入去試下。午餐包括appetizer ，份量少得可憐。沙律👌🏻啲菜好新鮮不過份量實在太少，芝麻醬過多，太喧賓奪主。茶碗蒸👍🏻呢個唔錯，好重菇鮮味，多菇，個蛋都蒸得好滑。菜👎🏻完全唔知想點。得幾條菠菜，仲有6條金菇，但係零味道。Miso soup👍🏻正常miso soup。蒲燒鰻魚飯 $168👎🏻鰻魚都幾厚身，冇骨，好嫩滑，肉質柔軟。 有腥味，扣分。 醬汁微甜，亦都唔多，要再額外上， 整體個蒲燒鰻魚唔夠惹味。蛋絲砌得好細而且好多，但又無乜蛋味， 勝在食佢個口感。個飯都煮得好食，濕潤。紫菜絲壓在鰻魚底下都冧曬， 食嘅時候係一餅嘢咁，白芝麻少，食唔到芝麻香味。特上壽司御膳 $238👍🏻朋友點做了壽司，壽司比一般食嘅偏細，但係新鮮嘅。最難接受係隻蛋，凍而且冇味。服務水準超高，經常添茶而且員工非常有禮貌。環境好好，坐在梳化，仲可以有拉下簾營造私人空間。我唔太 like個蒲燒鰻魚，勝在 lunch set唔算貴。 可能佢比較出名燒物和魚生。