宏 (已結業)

知道有日本人有食鰻魚補充體力嘅習慣， 所以每年的土用丑日， 又稱為「鰻魚日」。 今日我都去九號水產嘅「宏Hiroshi 」食番個鰻魚補充下體力先。 餐廳裝修舒適，以淺木色為主色， 地方寬闊，沒有壓迫感， 令人特別放鬆。我哋今次主打食鰻魚， 所以叫咗《純日本白燒鰻魚定食》 &《迷你三彩定食》 。 《迷你三彩定食》 材料豐富， 包括有蒲燒鰻魚丼、吞拿魚腩丼同迷你海藻烏冬。 鰻魚非常肥美， 加上燒汁就更加滋味啦！海藻烏冬好好食， 口感特別爽囗彈牙， 感覺好健康。 有原條白鰻嘅《純日本白燒鰻魚定食》 ，外觀美麗大方， 味道可囗， 燒到皮脆肉嫩滑， 鮮味無比， 配上正中日本香米， 太幸福了。 最特別就係廚師整咗幾種醬汁， 我就喜歡柚子汁， 帶出鰻魚嘅鮮味，酸酸甜甜特別開胃！ 仲可以慢慢食， 嘆番抔野飲，爽呀！ 咖啡香濃， 口感嫩滑，好好味！ 記得食《抹茶卷》， 真係超好味， 有香濃抹茶， 味道甘香， 加上鬆軟蛋糕， 有香又滑， 超正！