影片
更多
2024-05-25
29 瀏覽
去完日本旅行返嚟，超掛住日本嘅蒲燒鰻魚，近期見到尖沙咀開咗一間鰻魚店，長期門口都好多人等位，就約朋友過去試吓餐廳裝修得好有日本風格，有好多日本食品同日本地方名嘅旗幟，完全覺得自己好似置身日本一樣，唱相仲有好多多啦A夢嘅加公仔，超級配合宜家尖沙咀多啦A夢嘅主題✨沙羅曼蛇丼$198嚟依間鰻魚專門店，其中一個目的，就係為咗食呢個鰻魚丼飯，餐廳職員上菜嘅時候我哋非常驚訝，條鰻魚足足有我前臂咁長呀，真係打卡影相一流，不過最重要當然係食物嘅味道啦，鰻魚大大塊好厚肉，食得出鰻魚本身嘅鮮味，鰻魚肉質亦都比較重油脂感，細魚骨好少，鰻魚汁亦都好惹味，鰻魚嘅邊位燒到焦脆超驚喜就係打開個鰻魚丼，飯裏便仲有一層好厚嘅玉子燒，玉子燒蛋味好重，甜甜地加味淋一齊整，玉子嘅質地好滑，你哋加咗$18轉咗做套餐，套餐有溫泉蛋，鹹菜，鰻魚肝白貝湯，溫泉蛋加埋個白飯一齊食，簡直無敵✨三重鰻魚丼$208分別有三種鰻魚，生燒鰻魚，紅燒鰻魚，穴子鰻魚，呢個係餐廳另一個招牌特色，呢個簡直係滿足你三個願望，生燒鰻魚燒到魚皮非常香脆，魚嘅肉質仲好彈牙，又係另一個必試推介，穴子鰻魚係海鳗，油脂感冇咁重，肉質纖細少土味，非常少魚骨，店家仲有推
餐廳裝修得好有日本風格，有好多日本食品同日本地方名嘅旗幟，完全覺得自己好似置身日本一樣，唱相仲有好多多啦A夢嘅加公仔，超級配合宜家尖沙咀多啦A夢嘅主題
✨沙羅曼蛇丼$198
嚟依間鰻魚專門店，其中一個目的，就係為咗食呢個鰻魚丼飯，餐廳職員上菜嘅時候我哋非常驚訝，條鰻魚足足有我前臂咁長呀，真係打卡影相一流，不過最重要當然係食物嘅味道啦，鰻魚大大塊好厚肉，食得出鰻魚本身嘅鮮味，鰻魚肉質亦都比較重油脂感，細魚骨好少，鰻魚汁亦都好惹味，鰻魚嘅邊位燒到焦脆
超驚喜就係打開個鰻魚丼，飯裏便仲有一層好厚嘅玉子燒，玉子燒蛋味好重，甜甜地加味淋一齊整，玉子嘅質地好滑，你哋加咗$18轉咗做套餐，套餐有溫泉蛋，鹹菜，鰻魚肝白貝湯，溫泉蛋加埋個白飯一齊食，簡直無敵
✨三重鰻魚丼$208
分別有三種鰻魚，生燒鰻魚，紅燒鰻魚，穴子鰻魚，呢個係餐廳另一個招牌特色，呢個簡直係滿足你三個願望，生燒鰻魚燒到魚皮非常香脆，魚嘅肉質仲好彈牙，又係另一個必試推介，穴子鰻魚係海鳗，油脂感冇咁重，肉質纖細少土味，非常少魚骨，店家仲有推介鰻魚二食，鰻魚丼剩返三份一嘅時候，可以加入昆布高湯，芝麻，紫菜整成茶漬飯
張貼
