鳥羽名古屋料理 (已結業)

聽聞銅鑼灣有間出名食鰻魚飯嘅餐廳，今日特登黎試下有幾好味！老實講，睇到個價錢都覺得幾貴，但食完就覺得係值得嘅！因為啲鰻魚係即刻燒嘅關係，所以都等左幾個字，一見到個飯就比佢個香味吸引住呢個鰻魚飯係可以三食的，就咁原味食、加蔥 wasabi 同紫菜，或者加湯變湯飯！店員都會細心講解清楚！當然個個食法都好味嘅，因為啲鰻魚加埋佢啲醬汁已經好好味，又肥美冇泥味，都真係幾足料！另外個set仲有碗麵豉湯，就正正常常，成個餐都好飽肚又可以試唔同食法嘅鰻魚飯！