鱷魚泰國餐廳 (已結業)

九龍城泰國菜館何其多，不過為人熟悉的來來去去果幾間。今次去一間新新地嘅「鱷魚泰國餐廳」，除左見食評唔錯，抵食係另一原因。菜式定價合理，最著數係晚市惠顧的話，滿$200送小菜一碟，可選明爐烏頭、炒通菜、炸蝦餅、酸辣鳳爪或粉絲肉碎湯，要滿$200太容易啦。食泰菜不能夠冇泰式燒豬頸肉（$78），最怕遇著又乾又韌的豬頸肉，不過呢碟只係目測已知唔會差，色澤夠之餘仲見到裡面的肉好嫩。咬落口先感到佢的爽同嫩，再來係濃郁的肉香同辣汁的香辣，非常不俗。泰式串燒（$78）選左雞同牛各3串，兩者都好入味，就算唔點沙嗲醬都綽綽有餘，不過我點都鍾意雞多d，始終比較嫩滑。泰式炸蝦餅拼春卷（$78）真係好熱氣，不過又好美味，尤其蝦餅，爽口彈牙熱辣辣，配埋甜酸醬更見開胃。泰式炒金邊粉（$68）炒得條條分明，不油膩，味道帶甜，有幾隻蝦碌加埋蛋絲、芽菜等等，好清爽。飛天通菜（$58）其實食左都唔知係用咩炒，不過都惹味同有鑊氣。見隔離枱食蒜蓉包（$32），我地又跟住點。呢個就普通喇，蒜蓉分量好少，即使個包夠脆都冇用。食到呢度，終於都到免費贈送的項目喇。我地選左蒸烏頭。雖然免費，但一點都冇欺場，用小火爐熱住上枱，條魚都唔係好