鮨玥 (已結業)

鮨玥今日雖然打風，但係真係好想喺海邊食，就去咗港島東嘅蘇豪區揀咗呢間日式居酒屋。我跟廚師講，我今晚想食魚，就交俾佢發板。本鮪壽司盛一共六件，我和老公各三件，每一件都好飽滿，魚肉厚，鮮甜，雖然分不清是什麼魚，但就係享受。鹽燒油甘魚鮫好大，肉好豐富，燒得香脆入味，我特別喜歡咀嚼魚骨，覺得膠質重，喜歡喜歡😘生燒白鱔好香，味好濃，燒到冇乜水份，但係好鬆軟，好味。西京平目魚質感好似銀鱈魚，好軟滑，油質好多，所以食落每一啖都好回甘，加上佢搭配嘅沙律醬，好正。原條秋刀魚刺身之前喺其他餐廳食過嘅秋刀魚刺身係一片片，今次佢係一條條咁切，口感好厚實，啖啖肉，而且秋刀魚嘅鮮甜味盡在其中，真係讚！生啤🍻邊吃燒魚邊飲啤酒，一樂也！