影片
更多
2023-09-12
98 瀏覽
-鮮入圍煮花膠雞海鮮火鍋-@尖沙咀.打風天果然特別想打邊爐，黑雨過後便到尖沙咀火鍋。最近先知鮮入圍煮搬到尖沙咀厚福街，諗住黑雨過後會冇咁多人，於是便Walk in一試。.但原來香港人真係好鍾意打邊爐，黑雨過後依然滿座，剛好我哋去嘅時候有一台客人埋單，等咗一陣就可以入座。.花膠雞湯(小) ($308)哩度主打的湯底花膠雞湯真係無得輸。半隻三黃雞加上多片大大塊的花膠，好足料，所以湯底好濃厚好香雞味。.湯底滾起後， 侍應會主動幫忙將半隻雞剪開。我地直接先飲2碗湯，好滿足。.飲湯後就請侍應加湯，加的係豬骨湯。因為我地飲剩一點雞湯，雞湯濃郁到加了大量豬骨湯後都仲飲到花膠雞香味。.蘇格蘭蟶子王($88/隻)價錢唔算平但真係好值得點的海鮮，好大一隻蟶子，超級厚肉，輕輕淥幾十秒就已經食得。肉質爽口細嫩， 十分新鮮，就算唔沾任何醬汁都非常好食。.澳洲和牛牛展肉($168)因為係牛展肉，所以沒有太多脂肪，同樣稍為淥一淥就可以食。食落肉質唔算好滑，但牛肉味真係好濃。.中山脆肉鯇魚骨腩 ($88)分量比想像中多，每篇鯇魚骨腩都好大件。魚皮同魚肉肉質都好爽口，夠晒鮮甜。而且如果唔多，就算唔係好識食魚嘅人都可以一
-鮮入圍煮花膠雞海鮮火鍋-@尖沙咀
.
打風天果然特別想打邊爐，黑雨過後便到尖沙咀火鍋。最近先知鮮入圍煮搬到尖沙咀厚福街，諗住黑雨過後會冇咁多人，於是便Walk in一試。
.
但原來香港人真係好鍾意打邊爐，黑雨過後依然滿座，剛好我哋去嘅時候有一台客人埋單，等咗一陣就可以入座。
.
花膠雞湯(小) ($308)哩度主打的湯底花膠雞湯真係無得輸。半隻三黃雞加上多片大大塊的花膠，好足料，所以湯底好濃厚好香雞味。
.
湯底滾起後， 侍應會主動幫忙將半隻雞剪開。我地直接先飲2碗湯，好滿足。.
飲湯後就請侍應加湯，加的係豬骨湯。因為我地飲剩一點雞湯，雞湯濃郁到加了大量豬骨湯後都仲飲到花膠雞香味。
.
蘇格蘭蟶子王($88/隻)價錢唔算平但真係好值得點的海鮮，好大一隻蟶子，超級厚肉，輕輕淥幾十秒就已經食得。肉質爽口細嫩， 十分新鮮，就算唔沾任何醬汁都非常好食。
.
澳洲和牛牛展肉($168)因為係牛展肉，所以沒有太多脂肪，同樣稍為淥一淥就可以食。食落肉質唔算好滑，但牛肉味真係好濃。
.
中山脆肉鯇魚骨腩 ($88)分量比想像中多，每篇鯇魚骨腩都好大件。魚皮同魚肉肉質都好爽口，夠晒鮮甜。而且如果唔多，就算唔係好識食魚嘅人都可以一試。
.
原條貴州野生竹笙王($108)火鍋必點的竹笙， $108只有五條，但非常值得一試。每條竹笙都好厚身，食落超級爽口，同時好滑溜而且竹笙將湯汁嘅精華都吸收在內，真係要點黎食。
.
牛骨汁濃湯牛丸 ($55)牛丸細細粒好彈牙，初初以為係咬開會爆汁個款式，但完全唔會。牛骨汁濃湯係已經混在牛丸肉，咬開可以見到牛有點油脂在內，所以牛肉鮮味超香濃。
.
鮮味炸魚皮($45)又係好大份量，魚皮都偏厚身，就咁食可能會覺得比較硬，比較建議放入湯底內淥一下，吸引埋湯底鮮味更加好食。
.
娃娃菜($43)加埋娃娃菜在花膠雞湯內，娃娃菜的鮮味更加突出。
.
雪耳杞子茶 ($28)蜂蜜柚子茶 ($28)
兩款飲品都唔會過甜，好適合配火鍋。特別是雪耳杞子茶，飲落好順滑，感覺好滋潤。
張貼
