火鍋頭

營業中

休息中

天氣突然又凍，即刻去搵間打邊爐食下。常日去九龍城都經過，但一直都未食過，今次就決定去試下「火鍋頭」😋因為食海鮮就決定要個清啲嘅湯，招牌花膠冬菇濃雞湯👍🏻個湯好足料啊入邊有冬瓜、津白、蟲草花、花膠、半隻雞！一煲滾已經聞到好香雞湯味，一定要未落野食前飲下個湯。入面花膠都幾多，真材實料！風沙豆腐小食打邊爐我好鍾意食海鮮，特別系靚海鮮，所以就叫咗海鮮拼盤，有波士頓龍蝦🦞海蝦、貴妃蚌、南非鮑魚，帶子。全部都好鮮甜，好大隻。龍蝦仲要係新鮮即時劏㗎！入面好多肉，肉質白嫩，好彈牙，甘甘甜甜。南非鮑魚，鮑魚味濃郁，而且厚肉爽口。全部海鮮我都建議原汁原味咁食，唔使點豉油㗎！另外叫左手打粒粒墨魚丸🦑鮮蝦丸、響鈴。兩款丸都好爽口彈牙，大大粒。打邊爐咁熱氣梗係要飲，佢地自家鮮茅根竹庶，唔甜，清熱一流。