靠得住粥麵小館 (MegaBox)

營業中

休息中

今日正好經過九龍灣mega box，一於上來平民米芝蓮餐廳食下午茶餐。環境乾淨明亮，舒服嘅卡座位，人少而靜。叫咗招牌鮮蝦雲吞麵，10分鐘後，侍應上咗碗無湯麵，然後才淋上熱辣辣嘅湯，既保持咗熱度又可以令麵保持彈牙避免因浸透湯而變冧，有少量嘅蝦籽鋪係麵上，食落去麵彈牙之餘冇鹼水味，而且充滿鮮香濃郁蝦籽味，雲吞皮薄細粒，但咬落鮮蝦彈牙爽口，非常鮮甜，大概有5粒雲吞，麵條份量少，正常下午茶份量，只係38蚊（另有加一），好味得來又抵食！會再嚟。