Deer Kitchen (荃新天地) (已結業)

荃灣美食真係多不勝數, 荃新天地係大型商場, 各式食肆都有, 今晚晚膳嘅地方就係一間好有特色嘅餐廳, 雀籠模樣嘅雅座, 加上柔和嘅顏色調配, 予人舒服嘅感覺。這道鹿鹿鳥籠盛宴相當特別, 精緻份量嘅食物基本上係放在金色鳥籠内 。鹿鹿沙律新鮮蔬菜上鋪著一大片莎樂美腸, 肉味濃郁充滿鹹香。巴馬火腿蜜瓜蜜瓜嘅甜味和巴馬火腿鹹香真係好配合, 口感清新。龍蝦濃湯龍蝦湯有粒粒龍蝦肉, 濃厚鮮甜。海苔魷魚薄薄脆漿内是爽脆嘅魷魚。脆脆雞翼雞翼大隻厚肉, 炸得好脆口, 肉質嫩滑多汁。明太子蟹肉酥盒鹹香明太子配搭蟹肉, 口感鮮香。海魚柳配芒果莎莎 脆皮內是嫩滑嘅魚柳, 配以香甜嘅芒果莎莎, 魚味更加提升。西班牙黑毛豬肉眼 厚厚豬肉好嫩滑, 肉汁油香豐富, 點配甜酸醬汁, 更加美味。馬卡龍鬆化香甜, 迷你芝土蛋糕奶香清甜, 口感順滑。荔枝魅力有荔枝清香, 熱帶果園則散發著熱情果嘅果香, 香甜清爽嘅特色飲品。