鳥華亭

營業中

休息中

之前實在太忙，好耐冇寫過食評，但最近都同朋友去試左D唔錯的餐廳，都係時候要分享下不同美食~話說朋友見到鳥華亭有咁多好評，身為拉麵控的朋友就拉埋我專登去左灣仔試啦。餐廳坐位唔多，但好彩係平日夜晚去，所以客人都唔多，唔需要等位。辛辣雞白湯拉麵 - 雖然叫左小辣，但其實都真係偏辣下，而且都真係搶左雞白湯的鮮味，建議都係叫返原本的雞白湯拉麵會好D。特盛雞白湯拉麵 - 真係咩配料都有，特別係溏心蛋同炸蓮藉片真係唔錯，雞叉燒都好味，最重要係個湯底同拉麵麵質真係相當出色。食完兩個拉麵之後發，最終叫多左個叉燒飯，用量新鮮，不過清淡左少少，配埋辣芽菜就好D。整體而言，拉麵質素真係相當唔錯，而且價錢都算合理，只係分量只係剛剛好到喉唔到肺，不過都係值得推薦的。