森林咖啡 (已結業)

其實係見到ig既相覺得環境唔錯特登揸車過黎食既，好就好在泊車既地方都好大，同埋四週被樹木包圍，真係幾森林架；不過我地揀左坐戶外，都有蚊，店員貼心地係食到一半既時候黎點蚊香，後段就好d啦。講下食物，其實選擇係極少，主食真係得burger同沙律，意粉同飯都無既，小食有雞翼或者魚手指個d；野飲還好，咖啡都有幾種，味道就還可以啦，說不上係專業水準。不過個環境都令我想再返黎既，帶本書坐一個下晝都可以，而且靜靜地，傾下偈亦得。