鳴虎 (順昌大廈) (已結業)

🍜鳴虎拉麵🍜蝦味噌豬骨湯拉麵拉麵加入北海道鮮蝦，海鮮味香濃，感覺像Deluxe版豬骨湯拉麵。幼身嘅拉麵同比較厚切嘅豬肉鎖住香濃嘅湯底。我追加咗一碟荀，伴拉麵一齊食，增添少少鹹味。最後滋潤嘅半熟蛋令整個拉麵錦上添花。蒜片牛柳粒牛柳粒炒得非常有鑊氣，牛肉味香濃。以蒜片同埋洋蔥爆香，增加牛柳粒味道嘅層次。香口惹味，份外開胃。北海道牛乳布甸最後叫一個甜品，為炎炎嘅夏日解暑。布甸以紅豆蓉點綴，特別精緻。北海道牛乳布甸令人喜歡嘅原因應該就係佢充滿北海道甜品嘅特色。口感順滑、奶味濃郁，貌相精緻。