影片
更多
2022-05-22
1284 瀏覽
住左喺附近一段時間，聽講好多人都推介過呢間鳴虎，一直都好好奇點解個個都讚。身邊有一個同事，食開fine dining ，上星期特登send咗幅相俾我，根據佢嘅說法，佢話呢間拉麵唔錯，講到咁，in味蕾we trust ，試吓啦。反正屋企行過去，基本上唔需要五分鐘。星期二晚上放工剪完頭髮，唔想煮飯就去食個拉麵。呢間餐廳以豬骨湯出名，開業短短幾年竟然開咗兩三間分店，當然喺拉麵group都有好多人有comment，但自己試過才知道係咪最啱自己口味。先來個點心，芝士魚餅拼魚條，呢個絕對係神來之筆。有點關東煮嘅氣息，令我諗起青森嘅乾關東煮。芝士魚餅真心好食，作為前菜非常吸引。從來都係拉麵嘅朋友，點可以少得餃子，我點了一碟，style 同一幻好似，唔明點解老婆大讚好食，我就覺得正常。點了主角鳴虎拉麵，經典嘅豬骨湯味湯底，加上半肥瘦嘅叉燒，老婆選了軟麵，掛湯感夠，我覺得土瓜灣有呢個質素嘅拉麵，算不錯。好多人會講起同樣係連鎖店嘅金鶴拉麵，不過我個人覺得冇得比較，呢度比較主攻一種湯底，金鶴就比較唔同。我自己叫咗鳴海老，加上海鮮的豬骨湯底，主力蝦頭為主，湯頭相對鮮甜得多，唯一我個人覺得今晚嘅敗筆，係啲湯唔
住左喺附近一段時間，聽講好多人都推介過呢間鳴虎，一直都好好奇點解個個都讚。
身邊有一個同事，食開fine dining ，上星期特登send咗幅相俾我，根據佢嘅說法，佢話呢間拉麵唔錯，講到咁，in味蕾we trust ，試吓啦。
反正屋企行過去，基本上唔需要五分鐘。
星期二晚上放工剪完頭髮，唔想煮飯就去食個拉麵。
呢間餐廳以豬骨湯出名，開業短短幾年竟然開咗兩三間分店，當然喺拉麵group都有好多人有comment，但自己試過才知道係咪最啱自己口味。
先來個點心，芝士魚餅拼魚條，呢個絕對係神來之筆。有點關東煮嘅氣息，令我諗起青森嘅乾關東煮。
芝士魚餅真心好食，作為前菜非常吸引。
從來都係拉麵嘅朋友，點可以少得餃子，我點了一碟，style 同一幻好似，唔明點解老婆大讚好食，我就覺得正常。
點了主角鳴虎拉麵，經典嘅豬骨湯味湯底，加上半肥瘦嘅叉燒，老婆選了軟麵，掛湯感夠，我覺得土瓜灣有呢個質素嘅拉麵，算不錯。
好多人會講起同樣係連鎖店嘅金鶴拉麵，不過我個人覺得冇得比較，呢度比較主攻一種湯底，金鶴就比較唔同。
我自己叫咗鳴海老，加上海鮮的豬骨湯底，主力蝦頭為主，湯頭相對鮮甜得多，唯一我個人覺得今晚嘅敗筆，係啲湯唔係超熱嗰隻。
如果喺屋企附近，突然間有拉麵癮，呢度都可以係一個選擇。
鳴虎(土瓜灣)
土瓜灣北帝街61號東裕大廈地下B號鋪
張貼
