鳴門日本料理 (已結業)

師傅第二百個食評終於面世, 其實都諗左好耐應該寫個好評還是係劣評呢, 最後決定寫個好評啦! 一直以來師傅都好想黎呢度一試, 終於上星期黎左呢度食晏, 感覺真係正呀!由於同行友人同師傅一樣都係第一次黎, 所以大家都好緊張好期待! 入到去人客唔算多, 而安排的坐位都幾舒適, 環境寧靜, 跟住大家商量一陣, 最後決定叫幾個定食再加小食!於是乎叫左滑蛋豬扒定食, 咖哩海鮮定食, 鐵板燒定食, 煎餃子同埋串燒豬頸肉! 每客定食都有沙律, 蒸蛋同麵豉湯!先講個沙律, 沙律係菜絲沙律, 好新鮮好清好爽, 加少少沙律醬特別好味; 蒸蛋就蒸得好滑, 不過就唔係好夠熱, 呢度要扣少少分; 麵豉湯唔算太咸, 一般啦; 滑蛋豬扒係切份上, 豬扒都幾鬆幾腍, 唔算太乾, 幾好味; 咖哩海鮮有炸蝦, 炸蟹柳, 炸帶子, 炸尤魚同埋炸茄子, 所有炸物都唔油唔膩, 而咖哩汁又夠香但唔算辣, 不過就好好味; 鐵板燒就有雞扒同埋銀鱈魚, 銀鱈魚一d都唔腥唔硬, 而且燒得好香, 不過雞扒師傅就冇食到喇, 不過應該唔差; 煎餃子煎得好香而餃子一d都唔硬, 熱辣辣勁好味; 豬頸肉反而普普通通, 冇咩特別!總括黎講食物質素係好好