紅磡冰室 (已結業)

今日行過灣仔，順便食個下午茶，見到呢間紅磡冰室，見到人不多便入去試下，呢輪成日食常餐（炒蛋+公仔麵+多士），所以今日想試下其他，揀左個鴛鴦炒飯，因為巳經好耐無食過，另外再點左杯凍檸茶,5分鐘左右，炒飯到了，一邊紅色蕃茄汁配雞絲，另一邊白汁配蝦球，蝦球有3件，彈牙爽口，白汁味道麻麻，紅色蕃茄汁個邊，雞絲夠滑，加上甜甜酸酸慨蕃茄汁，味道還可以，可惜炒飯份量太少，而且炒飯好硬，好似生米一樣，冇蛋香，d汁多到好似食湯飯咁，失敗!食左大半放棄左.