影片
更多
2023-05-28
1245 瀏覽
海雲天一向定期都有做D主題點心放題，今次佢地就做左呢個”鴨之點心放題”，巿場上用鴨去做點心放題既其實就唔多既，咁我地就梗係唔會放過呢個機會啦，今次就帶埋屋企人一齊去，一於喪食片皮鴨。既然今次用鴨嚟做主題🦆，咁當然都會有啲陪襯返主題嘅點心啦，今次就有一共13款鴨之點心，當中包括片皮鴨、鴨脯肉燒賣、椒鹽鴨架等等，亦都有啲經典既點心例如係排骨、粉果、燒賣同蝦餃等等超過45款點心小食俾我哋揀既。但係既然揀得鴨之點心放題，我哋既目標就當然係片皮鴨啦！！！今次就會概括咁揀啲重點既食物嚟同大家share下我地試過之後既感受啦。🥙片皮鴨片皮鴨本身嘅味道都唔錯嘅，肉質未至於非常細嫩，但絕對唔係鞋過擦子膠咁，片出黎既鴨唔算好肥，放題嚟講，片出黎既鴨皮肉既比例就當然係多皮少肉啦(雖然有少少失望但都唔算係意外既)，配上薄身嘅餅皮，口感算唔錯！值得一提既係，唔知係咪片皮鴨太過矜貴啦，上菜速度就比較慢，我地第一個order既片皮鴨足足等左45分鐘，而佢既出品亦都唔算好大碟，必須承認係同預期既有多少落差😔。🍖椒鹽鴨架鴨架骨肉比例大概係 7:3左右啦，以食骨架嚟講比例算係幾好，骨架食落肉質就非常韌啦，同嫩滑呢個字真係
既然今次用鴨嚟做主題🦆，咁當然都會有啲陪襯返主題嘅點心啦，今次就有一共13款鴨之點心，當中包括片皮鴨、鴨脯肉燒賣、椒鹽鴨架等等，亦都有啲經典既點心例如係排骨、粉果、燒賣同蝦餃等等超過45款點心小食俾我哋揀既。但係既然揀得鴨之點心放題，我哋既目標就當然係片皮鴨啦！！！今次就會概括咁揀啲重點既食物嚟同大家share下我地試過之後既感受啦。
🥙片皮鴨
片皮鴨本身嘅味道都唔錯嘅，肉質未至於非常細嫩，但絕對唔係鞋過擦子膠咁，片出黎既鴨唔算好肥，放題嚟講，片出黎既鴨皮肉既比例就當然係多皮少肉啦(雖然有少少失望但都唔算係意外既)，配上薄身嘅餅皮，口感算唔錯！值得一提既係，唔知係咪片皮鴨太過矜貴啦，上菜速度就比較慢，我地第一個order既片皮鴨足足等左45分鐘，而佢既出品亦都唔算好大碟，必須承認係同預期既有多少落差😔。
🍖椒鹽鴨架
鴨架骨肉比例大概係 7:3左右啦，以食骨架嚟講比例算係幾好，骨架食落肉質就非常韌啦，同嫩滑呢個字真係大纜都扯唔埋。椒鹽味好出但肉質完全無味，叫過一次唔會再order。
🥟蝦餃
蝦餃算係水準之作，上枱時夠晒熱又大粒，餃子身非常飽滿。每粒蝦餃裏面有兩隻蝦，啲蝦算係爽滑弹牙。如果要講改善嘅話，就係餃子皮略嫌厚咗少少，如果可以再薄啲就更加正啦。
🥟燒賣
燒賣就唔及平時喺出面飲茶既酒樓好食啦，燒賣本身太實淨，肉味比較淡，屋企人都係靠啲辣椒油先至食得晒，order 左一次之後亦都無再嗌啦。
🥟牛肉燒賣
有啲似係出面酒樓既牛肉球，加左塊皮包住咁，味道就無咩特別啦。可能係即叫即蒸啦，牛肉燒賣由落單至上菜足足等左40分鐘，其實都等到以為係漏左單😑。
🌽風沙粟米
風沙粟米其實就即係避風塘粟米。呢個風沙粟米就不得了啦，可以話係上得最快嘅小食，粟米本身處理得幾好，粟米粒唔會乾身，粒粒都食得到甜味，但避風塘嘅味道就痴唔到上去，粟米有粟米味，避風塘有避風塘味，只係避風塘同粟米放埋一齊時，兩樣就有啲貌合神離，只係簡單咁將兩樣嘢放埋一齊，遜色左啲啲。
總括嚟講，食過海雲天幾次點心放題，今次都算係比較差嘅一次😔。其實食得放題，對味道既要求未必會係好高，反而會著重食物既份量同上枱既速度。今次嘅鴨之放題，食物嘅味道、份量、整體上菜既速度、同酒樓既服務可以講係同酒店嘅整體級數對比有幾大落差嘅。亦由於價錢唔算係好平，片皮鴨嘅等待時間，其他食物亦唔算非常出色等等因素，以食物嚟講唔算出色，但仍然可以推介俾大家嘅，就係酒樓嘅裝修同環境非常舒服，用左落地玻璃亦都唔會嘥咗座山面海既地理環境，如果一家人想簡單坐下飲下茶舒舒服服咁hea 下嘅話，都不失為一個唔錯嘅選擇嚟嘅。
張貼