影片
更多
2013-06-03
133 瀏覽
特登早啲出門口趕水尾睇鴨仔，之後再去早餐，因為肥髀想睇玩具城，所以就近去食KFC，睇住開閘，我哋係當日第一個客人，地方好大，我揀咗向住無敵大海境嘅位置，真係超值！叫咗：XO醬A1常餐（$34.8）：有XO醬雞兩件，羅宋湯，餐包（可轉薯茸）汽水一杯！我哋要咗薯茸，個XO醬雞少少辣，皮煙韌，雞肉唔乾，幾好，蕃茄湯夠熱，裡面蔬菜幾多，重有兩件新鮮蕃茄，薯茸多汁，好軟滑，撈埋汁好味！兒童套餐4（$19）（今日先知KFC有兒童餐）有磨菇飯一盒，加雞鎚一隻，飲品可以汽水、蒸餾水或益力多，或加$6轉鮮奶、tropicana蘋果汁或橙汁！我哋加錢要橙汁，件雞槌轉燒雞，點知肥髀話辣，食唔到，不過味道唔差架！磨菇飯比之前北角嘅多汁，磨菇好多，加上夠熱，好味！芝心火腿脆卷：另外加$8一件，我同魚佬各一件，因為要炸，所以經理比個號碼牌，炸好由職員送上！個卷剛炸好，熱辣辣，中間芝士雖然少溶，配火腿好食，但個脆皮太硬，中間部份都好啲，有芝腿平衡下，但頭尾無饀嘅好硬！，落單經理爽手！執食物速度亦很快！而且細心，比埋膠手套（唔係間間會主動比），我響舖內影相（寫食評嘛）樓面就阻止我，話鋪內唔可以影相（但無講原因，鋪內亦
叫咗：
XO醬A1常餐（$34.8）：有XO醬雞兩件，羅宋湯，餐包（可轉薯茸）汽水一杯！我哋要咗薯茸，個XO醬雞少少辣，皮煙韌，雞肉唔乾，幾好，蕃茄湯夠熱，裡面蔬菜幾多，重有兩件新鮮蕃茄，薯茸多汁，好軟滑，撈埋汁好味！
兒童套餐4（$19）（今日先知KFC有兒童餐）有磨菇飯一盒，加雞鎚一隻，飲品可以汽水、蒸餾水或益力多，或加$6轉鮮奶、tropicana蘋果汁或橙汁！我哋加錢要橙汁，件雞槌轉燒雞，點知肥髀話辣，食唔到，不過味道唔差架！磨菇飯比之前北角嘅多汁，磨菇好多，加上夠熱，好味！
芝心火腿脆卷：另外加$8一件，我同魚佬各一件，因為要炸，所以經理比個號碼牌，炸好由職員送上！個卷剛炸好，熱辣辣，中間芝士雖然少溶，配火腿好食，但個脆皮太硬，中間部份都好啲，有芝腿平衡下，但頭尾無饀嘅好硬！，
落單經理爽手！執食物速度亦很快！而且細心，比埋膠手套（唔係間間會主動比），我響舖內影相（寫食評嘛）樓面就阻止我，話鋪內唔可以影相（但無講原因，鋪內亦無標貼講唔可以影相）我無理佢，佢亦無再進一步阻止，呢度響正玩具店門口，十枱有九枱都係家庭客！呢間分店食物質素已經比其他分店好！
張貼
