魚塘鴨子 (已結業)

行到去圓方，想有一個輕鬆嘅環境飲一個happy hour同埋early dinner。於是就上咗平台嘅演薈廣場。由於行街已經行到好攰，所以上到去見到第一間就決定入去坐低。比較特別嘅係呢度大部份都係西餐廳，呢度就係一間中餐廳。Cocktail唔錯，wine 同wine service就唔得，可能始終係一間中餐廳。萵筍炒得幾好食。小籠包皮薄有肉汁，紅色嗰粒係紅菜頭皮，不過味道就同普通小籠包一模一樣冇分別。我記得四川地區會將啲牛肉切到好薄然後曬乾，但冇食過。呢度燈影牛肉應該就係類似嘅嘢。牛肉好薄，惡到今朝落去係可以穿透牛肉嘅。有少少嘅麻辣香味，而口感就有啲似去台灣食嘅豬肉紙。好特別，用嚟佐酒都好好。今日食嘅半隻填鴨有六折，望落去其實幾靚，不過半碟嘅青瓜好黃，換過一碟之後都依然係好黃，好似切咗好耐咁。皮其實燒得幾好，不過啲肉切到好厚而且岩岩蠶蠶，有失精緻。呢餐大抵上都正正常常，除咗填鴨之外其他嘢都幾好食，焦點菜式做得唔好嘅餐廳，都真係幾特別。