漁港艇仔粉 (鴨脷洲大街) (已搬遷) 新店位置

好幾次去鴨脷洲都專登去呢間小店食魚蛋粉,今日都唔例外。例牌叫魚蛋粉,大地魚湯底勁重魚味,又無落味精,仲有d艇仔粉爽滑晶瑩剔透,好好味👍魚蛋魚片唔洗講始終如一咁彈牙,真係好味到湯都飲晒,我唔係誇張架,因為湯底至係成碗粉嘅靈魂所在。今日叫多碟灼生菜同埋炸魚皮。魚皮夠薄又夠脆,絕無令人失望。另外,朋友叫左碗豬肉丸河,清清地,原來豬肉九都同樣出色。另一位朋友叫四寶河,魚丸、魚餃、墨丸同魚紮都係一樣咁好味。話咁快食飽,其待下次再去食至得。