寶膳餐廳

營業中

休息中

鴨脷洲，除非你喺果度住，唔喺一定好少嚟。其實有咗地鐵之後嘅鴨脷洲已經非常方便，熱鬧不少。今晚就嚟呢度搵食。位於鴨脷洲大街嘅寶膳餐廳，西餐格局，亦有情調。打開餐牌，鋸扒，意粉嘅大路西餐嘢。炭燒美國安格斯肉眼扒 $218 (套餐)網紋加上炭燒香，未食已經對住肉眼扒流口水。五成熟的肉眼扒又腍又juicy，口感鮮嫩，份量又夠多。加配薯條稍粗身，香脆熱辣辣，口感不錯。酥炸軟殼蟹配海鮮番茄忌廉意大利飯 $168除咗大大隻酥炸軟殼蟹，仲有魷魚，蝦，帶子等海鮮襯托，非常豐富。炸軟殼蟹香脆，油膩感不強烈。意大利飯飯粒分明，番茄忌廉汁充份融入飯粒中，鐘意食意大利飯的應該會收貨。香煎法式鵝肝多士 $98大大塊鵝肝煎得香口，入口即溶，連埋下面嘅脆多士，就算再邪惡都會忍唔住會食。朱古力心太軟配雪糕 $68切開心太軟有澎湃又令人看得治癒的流心。熱辣辣心太軟配凍冰冰雪糕，冷熱共融，十分享受。最後以一杯有水準的咖啡作結。