叄瘋 (已結業)

中午同朋友黎到位於鴨脷洲嘅叁瘋cafe。食物款式唔算多，但勝在每一款都落足心機。兩個人點咗兩個主食，分別係自家製蕃茄醬蝦肉意大利飯同竹炭鹹蛋黃鹽酥雞漢堡配炸甜番薯薯條，隨餐送一杯冬瓜茶。再額外叫咗黑份松露雜菌蛋餅。 蕃茄意大利飯蕃茄味極濃， 果種濃味唔係茄膏，而係實實在在嘅蕃茄味。 意大利飯軟硬適中。 鹽酥雞竹炭漢堡係一個比較新穎嘅配搭 配上流質嘅沙律醬汁， 咬落去好juicy， 令人食指大動。 冬瓜茶唔會過甜， 最適合食完鹹蛋黃炸雞漢堡依啲既邪惡又油膩嘅食物之後解下膩。 埋單二百七十蚊左右， 下次行開鴨脷洲都不妨一試。