食記餐廳

營業中

休息中

放假最好就係捐窿捐罅搵好嘢食， 由於我唔係住喺南區， 所以鴨脷洲對我嚟講已經好偏遠嘅地方😂 今次嚟到鴨脷洲大街， 當然要試試附近嘅街頭小食啦。之前睇雜誌都有報道介紹過呢一間食記餐廳， 我哋二話不說就叫咗兩碗同魚肉有關嘅嘢食， 分別係生菜魚肉碗仔翅同埋生菜魚肉。 店員拎畀我哋嘅時候，我哋都不禁哇咗一聲，好足料丫，啲魚肉果然係名不虛傳， 非常非常之彈牙， 唔怪得知咁多人嚟幫襯啦！另外我哋仲叫咗隻炸肶， 好大隻吖! 淨係睇賣相都已經夠吸引， 雖然睇落好多炸粉， 但係其實 個皮唔算炸得好厚， 入面啲肉都唔會炸都好"鞋"，正！哩啲小店香港真係買少見少， 各位經過香港仔or鴨脷洲嘅時候都真係要去試下呀！ 真心推薦!