鼎王麻辣鍋 (The LOHAS) (已結業)

The Lohas新開冇耐，好多舖頭都未開張，商場人流唔算多，就係貪佢呢點，我哋係冇book位嘅情況下嚟呢度打邊爐，唔使等位！座位都坐得幾舒適。鼎王嘅價錢其實唔平，不過質素算高，而且冇得飛台灣嘅情況之下算係合理食鼎王必食嘅鴛鴦鍋，怕太濃味可以食酸菜白肉鍋，而麻辣鍋就係我嘅至愛！佢嘅鴨血真係冇得頂仲要可以任食超級滿足！枸杞菊花露，最鍾意佢嘅清甜而唔係死甜日本黑豚肩肉，鮮嫩嘅粉紅色好似好靚！食落口都好嫩及濃香味。打邊爐嘅至愛就係皇帝菜，最鍾意佢獨有嘅香味！平時打邊爐食墨魚滑同蝦滑，估唔到呢度有蟹滑食就一於試吓～不過個人都係覺得用蟹肉嚟整滑有啲唔係咁夾，都係蝦滑比較好食