鴨子園 (已結業)

叫得鴨子園黎到就梗係食鴨我地一行四人黎到呢度首要必食之選就係佢既北京填鴨我地叫左半隻北京填鴨食 北京烤填鴨半隻雖然冇師傅即場係我地面前表演切鴨肉, 但係呢道菜既賣相都已經值100分, 見到D油既分佈就知道係好味, 我地平均一人都食到4-5塊, 包皮係熱燙燙的, 拿在手上包住一塊肉, 一份醬材同配菜, 然後包好, 一口咬下去, 個D汁同埋鴨肉既MATCH, 脆脆既鴨肉帶點油香, 個口感真係一流!! 我就鐘意食皮多過肉, 油油的口感但唔會覺得太油膩 京醬茄子唔好睇佢黑MI MA咁, 但係味道真係一流, 廚師炒得好夠獲氣, 個口味同我係北京食到既有過之而無不及, 個醬料帶出到茄子微甜既味道, 而且茄子本身都煮得好好, 味道+口感都係一流!!! 鴨子園炒飯呢個應該係呢度既招牌炒飯, 材料有菜心, 鴨肉粒, 味道冇想像中咁濃味, 反而有濃濃既鴨肉香味, 佢既肉味係半肥半瘦, 肥既部份既油香流入左飯入面, 令成個飯都充滿左鴨香!!! 超好味!!