鵝皇館 (已結業)

大角咀閒閒地都有三、四間燒味鋪，要數最「四正」的一定係打正旗號食燒鵝的「鵝皇館」，呢間前鋪後工場的傳統燒味店真係買少見少，點可以唔幫襯下。平時黎到鵝皇館一定要佢隻乳豬，貪佢唔咪度度有得食，今日就想「養生」少少，試下佢個陳皮鴨肶湯飯。鴨湯用不銹鋼大碗上，鴨肶燉到好淋，火候十足入口即溶，陳皮有健脾開胃食療作用，鴨湯暖胃最岩秋涼季節食用。鴨湯本生清清地，用筷子夾開鴨皮，肥膏即融於燉湯中，變得水乳交融，果種獨特甘香非筆墨所形容，難怪相傳長壽的乾隆皇都是非常嗜鴨的。至於燒乳豬皮夠脆，係大角咀食燒味飯不二之選！