十三姨 (白加士街)

營業中

休息中

如果你係鵝肝愛好者一定要試佢嘅老闆娘鵝肝煎蛋撈飯😍😍今次係第二次嚟幫襯， 叫咗個老闆娘鵝肝煎蛋撈飯+xo 醬鵝肝腸粉。因為近排開始減肥計劃，所以盡量想減小飯量，而十三姨就岩曬我啦，佢嘅飯底可以加HKD20 轉椰菜花飯。一坐低餐廳會送上蝦片作為餐前小食，味道一般，但作為一個免費無加收任何費用嘅小食，都算有誠意。鵝肝煎蛋撈飯上枱啦，有大概三塊厚鵝肝，煎蛋同一堆炸乾蔥蒜等等，食前記得配埋枱上嘅特制豉油，正🤤🤤如果唔係想減小內心罪惡感，絕對會選擇返正常白飯，始終白飯吸收油香/豉油香係比椰菜花飯出色🫢鵝肝腸粉亦做得幾好，腸粉內大概有5大粒大大嘅鵝肝，大量黃紅椒洋蔥等，非常之香，而肝嘅油香配係本身唔濃味（腸粉表面有小小xo 醬香味）嘅腸粉都幾夾。