影片
更多
2020-12-10
534 瀏覽
自從疫情嚴重咗(寫文之時又話餐廳18:00后唔准堂食,替d餐廳老闆難過!)，結果多咗買餸返屋企玩煮飯仔!反正我中意下廚!但煮得耐咗開始出現問題….第一,餸菜一D都唔平!我買半條肥叉都成五十幾蚊!一餐兩餸一湯分分鐘成過一舊水.第二,懶得洗碗嘛!嘻嘻…. (^_^:所以…. 后來索性買D淨兩餸外賣，買兩盒都係60蚊，質素唔差又平D又唔洗洗碗!今次放工路經北帝街，見到新開咗間潮州滷水店，自己又有一排無食潮州菜，於是買個外賣試試質素先!每次去到D餐廳見到門口排哂隊的話，通常我都直角轉身走人，但被餐牌上兩隻字深深吸引!"鵝肝"望望價錢，都只係30蚊一隻!依家搵鵝肝已經唔易，重要咁平! 所以..... 唉...... 唔中意排隊.... 都無奈跟跟隊.....另外再買咗個滷水鵝下裝，鵝腸，豬大腸同墨魚.滷水鵝肥膏唔多，唔點任何醬汁之下入口，鵝肉味比滷水味強，食到最尾鵝肉無渣，滿意.豬大腸嘅滷水味反而比較重，而腸內肥膏全清，咬落唔會過韌有𡁻口，係自己中意嘅口感.自己通常係街食鵝腸，遇上無膏較多，洪記嘅鵝腸係有膏嘅，鵝腸口感比較軟滑，唔係傳統彈牙口感但出奇地好食，結果最早清哂係鵝腸.墨魚係最大驚喜，每
自從疫情嚴重咗(寫文之時又話餐廳18:00后唔准堂食,替d餐廳老闆難過!)，結果多咗買餸返屋企玩煮飯仔!
反正我中意下廚!
但煮得耐咗開始出現問題….
第一,餸菜一D都唔平!我買半條肥叉都成五十幾蚊!一餐兩餸一湯分分鐘成過一舊水.
第二,懶得洗碗嘛!嘻嘻…. (^_^:
所以…. 后來索性買D淨兩餸外賣，買兩盒都係60蚊，質素唔差又平D又唔洗洗碗!
今次放工路經北帝街，見到新開咗間潮州滷水店，自己又有一排無食潮州菜，於是買個外賣試試質素先!
每次去到D餐廳見到門口排哂隊的話，通常我都直角轉身走人，但被餐牌上兩隻字深深吸引!
"鵝肝"
望望價錢，都只係30蚊一隻!
依家搵鵝肝已經唔易，重要咁平! 所以..... 唉...... 唔中意排隊.... 都無奈跟跟隊.....
另外再買咗個滷水鵝下裝，鵝腸，豬大腸同墨魚.
滷水鵝肥膏唔多，唔點任何醬汁之下入口，鵝肉味比滷水味強，食到最尾鵝肉無渣，滿意.
豬大腸嘅滷水味反而比較重，而腸內肥膏全清，咬落唔會過韌有𡁻口，係自己中意嘅口感.
自己通常係街食鵝腸，遇上無膏較多，洪記嘅鵝腸係有膏嘅，鵝腸口感比較軟滑，唔係傳統彈牙口感但出奇地好食，結果最早清哂係鵝腸.
墨魚係最大驚喜，每次買墨魚都驚過韌柴皮，但洪記嘅墨魚彈牙得嚟又帶D爽脆，好鬼奇特但又好好味，係第二位清哂嘅餸!
一隻鵝肝原來份量都唔少，鵝肝無腥味，食少少已經滿口鵝肝味，而且30蚊一個絕對抵食!
因為鵝肝比較"漏"口，預咗一餐食唔哂，第二日再下廚做一道炒鵝肝.
PS:第一次排隊等餐餐廳免費派飲品! 服務態度好過不知幾多大集團餐廳! 當然要俾大大個 Like! \(^0^)/
張貼
