原居民 (已結業)

路經呢度見到有間環境不錯嘅西餐廳，決定同媽咪試一試。上到餐廳一開門感覺環境微微昏暗，令人格外舒服relax 。晚上有供應set dinner，一坐低侍應放上nachos脆脆小食，同巨型黑版餐牌係張櫈，好搞笑。個set內容豐富，有熱熱脆口蒜蓉包，頭盤，雪芭同主菜。頭盤我揀咗大蝦芒果汁火箭菜沙律，大蝦真大隻，火箭菜配芒果汁，爽口份外滋味。上主菜前送上雪芭。主菜我揀咗鵝肝牛扒，鵝肝煎得好香好味，牛扒牛味十足，肉質帶點咬勁，配上醬汁，提升了牛扒的鮮甜味，配菜蓉打得非常軟滑，加上雜菌的香氣，令人食指大動。甜品佢地推介出名嘅梳乎厘，味濃郁，嫩滑，為今晚畫上完美句號。