Burgeroom (美麗華廣場1期) (已結業)

📍尖沙咀同朋友行街，喺美麗華行到肚餓，見到有鵝肝漢堡，即刻衝入去😆。夜晚都幾多人，見到全場都坐滿。兩個女仔食唔到太多嘢，就嗌咗一個漢堡包，一個小食，一個薯條share。$168 🍔鵝肝雞柳漢堡一定要試吓鵝肝，平時出邊多數都係普通漢堡包，呢度可以揀鵝肝。咬入口，鵝肝嗰個香味爆出嚟，雞扒都好大塊，大滿足。$70 🍗香脆雞塊配芝士醬(6pcs）芝士醬好濃郁，有啲似高級版嘅麥樂雞，雞肉都唔會嚡熠熠。$35 🍟旋風薯條喺扭扭薯條啊！炸到外脆內嫩，食到停唔到口。$38 🍹蜜桃梳打朋友嗌咗杯梳打走冰，但都好夠凍，配漢堡包一流。$38 🍸茘枝冰茶食熱氣嘢，配返杯冰茶，感覺好似中和啲，又香荔枝味。