影片
更多
2011-07-21
288 瀏覽
今晚一個人突然好想食鹵水鵝腸, 就黎OPEN RICE 搜尋下我公司附近有無得食,就搵到呢間, 講下我食左咩先:1) 鹵水三味 $128 - 包括鵝片, 鵝腸, 鵝肝 鵝腸好肥味, 一般出面食既鵝腸多數係無晒腸裡面既肥肥, 所以個口感好好 鵝片就一般, 鵝肝質感幾好,但味道麻麻 鹵水汁D味都幾好, 但無果種一食就覺得 "哇...好好味" 喎~ 但個人覺得個鹵水鵝腸真係幾好味, 有種食完都唔係好夠喉~ 呢個鹵水鵝腸我一定會再幫襯,不過可能會外賣。2) 鹵水雞旦 $8 好奇怪, 旦已經硬硬地, 即係應該浸左一段時間, 如果唔係唔會硬硬地.....但好奇怪,竟然無乜鹵水味, 兼且仲好細隻~3) 蠔仔碎肉粥 $30 都OK既, 不防一試4) 罐裝可樂 (無睇價錢)埋單$208 連加一茶介, 要值得讚一讚既係果度有位姨姨 (唔知係舖頭老板娘,收銀定侍應), 佢服務好好, 遞碗粥黎既時候會好細心咁叫我小心D,碗粥好熱, 佢放低食物嚮張枱時, 有會擺放得好好, 比客人感覺好窩心~
就黎OPEN RICE 搜尋下我公司附近有無得食,
就搵到呢間, 講下我食左咩先:
1) 鹵水三味 $128 - 包括鵝片, 鵝腸, 鵝肝
鵝腸好肥味, 一般出面食既鵝腸多數係無晒腸裡面既肥肥, 所以個口感好好
鵝片就一般, 鵝肝質感幾好,但味道麻麻
鹵水汁D味都幾好, 但無果種一食就覺得 "哇...好好味" 喎~
但個人覺得個鹵水鵝腸真係幾好味, 有種食完都唔係好夠喉~ 呢個鹵水鵝腸我一定會再幫襯,不過可能會外賣。
2) 鹵水雞旦 $8
好奇怪, 旦已經硬硬地, 即係應該浸左一段時間, 如果唔係唔會硬硬地.....但好奇怪,竟然無乜鹵水味, 兼且仲好細隻~
3) 蠔仔碎肉粥 $30
都OK既, 不防一試
4) 罐裝可樂 (無睇價錢)
埋單$208 連加一茶介, 要值得讚一讚既係果度有位姨姨 (唔知係舖頭老板娘,收銀定侍應), 佢服務好好, 遞碗粥黎既時候會好細心咁叫我小心D,碗粥好熱, 佢放低食物嚮張枱時, 有會擺放得好好, 比客人感覺好窩心~
張貼
