滿泰小廚

營業中

休息中

16 July 2006 (Sun) - 晩飯落船後已經好夜啦，所以，就黎呢度食晚飯，同好好友兩個叫咗生蝦刺身，豬頸肉鷄飯，串燒半打同馬拉盞炒通菜，真係眼濶肚窄，食唔晒添～～生蝦刺身個汁好掂，辣辣地咁好好味，亦ok新鮮；豬頸肉鷄飯好好味，個飯並唔係白飯，而係好似炒過咁，好香口，雖然豬頸肉麻麻，因為並唔似出面嗰啲咁，有少少似豬肉咁，不過還可接受；串燒就原本應該係兩串鷄兩串豬兩串牛，但係我哋食落去就好似只有一串係豬，三串牛當然同埋兩串鷄，其中一串好似唔太熟，所以冇食到，不過本身都已太飽，食唔晒！然後個炒通菜就好油下，食到我都唔太想食，怕肥！但呢度既鷄飯係的確唔錯，值得一試！食完真係捧住個肚走！